DBlue ®: 9月9日/9月10日 - Port Dickson 之旅

籌備左成個月既PD之旅 , 終於有得去喇 , 今朝一起身睇下個鐘 , 呆左一下 , 原來我訓遲左 , 即刻快快彈起身去沖涼 , 然後快快渣車去載KK同埋JC黎我屋企先 , 好彩仲趕得切...!然後7:00AM耘豪黎載我地去學校後門集合.

一去到學校後門就見到巴士岩岩到 , 好巧~不過因為仲有D人未到齊 , 所以同巴士司機講等陣 , 大約7:30AM左右 , 美美到左 , D食物同埋D"架撐"都到左 , 所以我地搬晒D"架撐"同食物上巴士既貨倉之後 , 見仲有D人未黎到 , 所以就去Mamak俗稱CURRY HOUSE食野先~~食完大概8:15AM左右就埋單上巴士坐嚕...所有人到齊晒之後 , 大概8:30AM左右正式出發!!唔知係咪早上既關係 , 巴士上特別凍 , 司機開Mr.bean比我地消磨時間 , 大約1個鐘半左右 , 就已經到達Port Dickson !

這個旅程的巴士
在Curry House吃著早餐紜豪
國鋒&依婉
Monkey&彩萍
Steven&阿雄
建良&阿莫
庭峰&...
...&...
Mr.RAy&Jessie
阿K&薇薇

今次住既屋都唔會太失望 , 都幾大間下 , 不過都係唔夠我地26個人住...拿晒D行李入屋之後就快快去霸房間 , 間房都唔細 , 都可能擠到8個人訓 , 係房度休息左一陣之後就落樓睇下咩情況同環境 , 原來佢地已經響度準備食物 , 班仔就已經係度開檯 , 有條友仲已經安裝左PS2係度搞緊左...果然快手... ...

係屋度玩左幾個鐘之後 , 有D人已經準備去沙灘游水左 , 所以我地都唔執輸 , 快快換好杉 , 行去海邊搞嚕...落到去...見到個沙灘有d污蔑,不過都冇影響到心情 , 依然落水 , d水勁咸...Steven , 耘豪 , 阿雄搞到好顛 , 玩到一半 , 佢地冇端端提議要"埋"MONKEY , 即刻甲手甲腳係沙度挖個大洞 , 然後由我地幾個大漢落水抓MONKEY上岸埋入個洞度...埋完仲要幫佢設計埋個身體 ... 哈哈 , 總之就係搞笑!!

玩完之後返去游水 , 有條友問我地坐唔坐Banana Boat , 見一人RM10平平地就去坐左...跌第一次果陣真係好爽 , 不過好痛 , 上返Banana Boat之後 , 個人就載我地出海兜返個圈 , 點知...架船唔知係咪渣得太快 , 再加上美美驚 , 美美一下唔Balance , 成架Banana又反左...當我浮上水之後 , 我FEEL到我嘴有D血腥味......原來我嘴唇被牙打到 , 所以爆左個大洞 , 傷口好深好大...仲一直流血 , 不過可能係海上有鹽水既關係 , 傷口一下就止血左... ... 我亦冇心情再搞Banana Boat左 , 所以我坐返架船 , 比佢地反多次後...就返返埋岸唔搞嚕...

果陣心情有D驚 , 因為個傷口好深 ... 休息一陣之後 , 我地就返屋企嚕...返到屋企搽藥之後冇咁痛左 , 傷口亦都慢慢埋左...心情亦都慢慢平復返...沖完涼 , 落去食飯 , 唔可以食D炸野 , 可憐的我 , 淨係可以飲湯同埋食D清淡既肉...嗚...爆光.

開檯嚕...
打緊PS2...
準備食物中...

金蓮既廚藝確實唔錯!

有兩粒...仲有埋毛tim....哈!

豪...
佢有壓力...
Steven&豪 , 軟硬天師?
爆光前...

爆光啊..!!好痛!!!

食飽之後 , 係時候上樓休息訓一下...點知我訓來訓去都訓唔著 , 所以我就落去打PS2 , 同埋同班友燒煙傾歇消磨下時間...大約到6:00Pm幾左右 , 佢地話要睇日落 , 所以我就叫左JC起身一齊去睇埋 , 落到海灘 , D水已經上潮左 , D水亦都干淨左好多...大大既海風 , 行下沙灘 , 確實係幾舒服 , 不過就可惜睇唔到日落 , 因為D雲已經遮晒左...可惜...

去睇日落嚕!!

Nice Pose

鏡頭歪左wor...

返到屋企 , 冇野做 , 打返場PS2 , 然後上房吹下冷氣 , 傾歇...討論下人地D壞話...嘻嘻...8:00PM幾左右 , (起火王)庭鋒已經係度起緊火左... ...我同紜豪出去幫手起埋 , 起到大概9:00Pm幾 , 搞掂!BBQ開始...!! 甲手甲腳拿晒D材料出黎就開始燒喇 , 可能係火太猛既關係 , 燒到好鬼刺激^^,我燒下玩下 , 到10:00pm幾,終於少左成碟野出黎 , 入屋慢慢嘆...(好可惜BBQ冇影到任何相片)

食到飽晒 , 我同JC拿左副UNO積木黎搞 , Steven , KK , 阿雄亦都玩埋一份 , 輸得最多既就係Steven , 足足做左Bumbing 50幾下 , 哈哈!!玩到悶喇 , 散BAND , 上房沖涼 , 係房度傾下歇就訓覺嚕...Zzzz.....而樓下仲有班夜鬼唔訓係度玩Labi , 玩到5:00AM先訓...

訓到5:00AM幾 , 係夢中度比Monkey既聲嘈醒...佢話D人去晒睇日出 , 我地幾個都矇察察咁行左去海邊睇日出...係海邊度坐左1個鐘...先唸到......PD...係睇唔到日出架!!!哈哈...成班冇常識既人矇察察咁坐左成粒鐘 , 成為一個天大既笑話!! 結果梗係行返屋企訓過喇!!!實在太廢喇... ... ... ...

搞緊UNO時錄低既...有字幕!哈哈...
夜鬼未訓 , 係度搞Labi
Zzz...
德倫

 等待日出中...
等了好久.... 好久....

唉...好掛住佢...

訓到10:00AM幾 , 終於正式起身 , 落樓睇下D人做緊咩...有D人已經食完早餐係度打PS2...完UNO...玩牌...有D仲係度訓緊...沖完涼 , 我地就快快去食早餐嚕...豬肉粥 , 自己去煎面包黎食 , 大約12:00PM幾 , 我地就再行去沙灘行埋最後一次 , 吹下海風 , 影下相 ...

仲訓緊...

吃著早餐...

看他們煮得幾開心~

庭鋒出手炸薯條啊~

半個鐘後就返去屋企執野...執屋...打掃...1:00PM幾巴士到左屋企門口喇 , 拿齊D行李就上巴士嚕 , 等美美交返鎖匙比屋主之後 , 就起程返屋企嚕...係巴士上好似個死城 , 全部訓晒覺 ... ... ... ... 3:00PM下午 , 終於返到學校後門 , 全部跟住就安排緊點返屋企... ...