7月30日 - GAPAI山水&海螺餐厅

前幾日係學校阿雄提議去Gapai玩玩 , 我地當然冇問題喇 , 下午1:00pm幾出發 , 載齊人 , 1:40pm到達 , 去緊既途中天已經落緊水 , 好行運既到果邊已經停水左 , 拿齊野 , 再爬上幾百層樓梯 , 幾乎斷氣 , 不過始終到達山頂 , 上到去後 , 見到好多馬產 , 所以我地選擇爬到最高去玩 ...今日既水好骯髒...有D人就比野割親腳...有D就比水螲咬親 , 再加上雨天 , 石頭路較滑 , 所以好危險...就咁樣 , 斟下水 , 排下石頭 , 傾下歇 , 影相 , 燒幾支煙...就已經4點幾...再落番去半山 , 沖下超大水既瀑布 ... 勁爽 !! 沖完之後 ... 拿齊野 , 落山嚕...返到去 , 阿雄 , 阿金 , 美美 , 詠權佢地就去金小食食野 , 我地就選擇返屋企... ...





因為我今晚約左Jessie食晚餐 ... 返到去 , 沖完涼 , 玩下電腦...Jessie 7:30pm放工來到我屋企... 大概8:00pm出去 , 我地去左海螺餐厅 Halo Cafe 食野 , 當係慶祝我過兩日既生日... 有佢陪我慶祝我已經好開心 ... 亦好多謝佢既禮物 ... 好開心 ... 佢做工已經做到好累左 , 所以大約食到10:00pm 幾 , 埋單...送完佢返去之後 , 我都返屋企訓嚕...ZZzz