DBlue ®: December 2006

12月25日 - 聖誕快樂!!

聖誕快樂~~一年一度既聖誕又到喇...金河直情爆晒鵬...都好好生意 , 哈 !拼命做到10:00pm , 收工 !!! 行去金河大門口...見到D人已經係度開緊Spray戰...今年我絕對唔會晒錢去買SPRAY來搞... ...完全冇辦法行路去Times Square...所以被迫要搭Monorail , 極度十分之冒險咁行去Monorail站度再搭去Times Square...跟住揾阿輝 ... 今年只得阿輝&技安同寶貝一齊度過...其他人我都唔知去左邊嚕......不過開心已經足夠! 入返正題 , 我選擇左去"回音石"飲野... , 叫左幾支酒來飲飲 , 聽聽Life Band ... 談談天 ... Relax 下 ... 飲到一半...有個Waiter話要幫我同Jc影張相 , 佢話要放上去佢地既網站wor...http://www.wingsmusicafe.com/...一路飲到11:59pm , Life Band 開始倒數聖誕... Merry ' Chiristmas~~~!! 現場既氣氛再加上Life Band既音樂 , 感覺好High~~~! 跟住仲有得抽獎tim ! , 開頭D小禮物完全冇我地份... 有D失望...點知...最後一份 , 亦係全場最大份既...竟然比我中左tim !!!! 哈哈 , 即刻飛出去拿獎~~開心開心 !! 太幸運喇 !! .... 再坐左一陣...飲完酒 , 埋單走人嚕...... 開開心心拿住聖誕禮物返屋企嚕...!! 不過有D累...e 家 Updated 埋Blog就訓嚕...大家Good Nite & Merry ' Chiristmas !!!!

我既聖誕禮物 , 有紅酒 , ferero Rochers & 好多Chocalate , 開心開心

12月19日 - Offday 好爽~

今日offday , 實在開心~訓到下午1點先起身 , 休休閒閑食完飯 , 睇下電視 , 入房上下網...跟住咁岩JC今日都OFF , 所以決定去行街街 , 去LeisureMall買左好多聖誕禮物 , 然後打算睇張家輝主演既"提防老千" , 買左6:10pm果場 , 仲有時間 , 所以去"田舍亭"食下日本餐先 ~ JC叫左份"冷面"黎食 , 而我就食最喜愛既"Tempura" ~ 一邊食 , 睇住鏡外既毛毛雨 ... 感覺幾正架 ~~ Relax下 , 食完坐多陣之後 , 跟住就夠鐘入場睇戲嚕..............................................出戲...我仲以為係喜劇 , 原來唔係...係出"教育片" , 教你"提防老千" , 睇完雖然有D失望 , 但係都總算學到一樣野...做人 , 唔好咁貪心 ... 大約10:00pm返到屋企 , 休息左陣 , 11:00pm幾又走出去飲茶嚕...吹吹水 , 講下笑 , 到半夜唔知幾點就返屋企沖涼訓覺嚕...聽日又返工嚕~.... ....

最愛のTempura

冷冷面~~

出戲真係嘛嘛地~

畢業

做人做左18年 , 由幼稚園到E家 , 14年 , 經歷過好多好多好多好多野 , 我由沙登 , 搬過來蕉賴 , 一班由細玩到大既朋友 , 係小學唔做功課 , 見家長 , 係中學逃學 , 被Gantung , 講都講唔晒 , UPSR到PMR再到SPM乜都考過晒喇 , 係時候同學校生活講BYE BYE (除左一D讀得既人) , 我就冇乜本事上College架喇 , 所以我祝果D有機會上College既人講聲加油 , 努力! 而家大部份朋友已經開始打緊暑假工嚕 , 有D仲做埋長期工tim , 各人入各業 , 偶然仲會出來飲飲茶 , 當然唔似以前咁成日飲囉...哈哈 , 結束左讀書既生涯 , 講真一句真係好唔捨得 , 唔知道...將來既日子會係點 , 會發生D乜野事 ... 我都唔知 , 總知...朋友們 , 一定要電話聯絡 ! !所以e家可以做既...就係用D相來留念喇... , 睇相既時候 , 你會發現...有兩條友一直出現係入邊...唔洗驚 , 好正常 , 因為相機係佢地既.... 哈哈 ... 最後老土都要講一句 : Friendship Forever ! ~~冻冻